Banori i këtij fshati, Ramiz Morina ka folur në emisionin e mëngjesit rreth shqetësimit që ata kanë ngritur.
“Ka rreth 5 vite që kemi bërë kërkesë në komunë, por nuk kanë ardhur asnjëherë. Kjo rrugë është e gjatë mbi një kilometër e gjysmë dhe ka qarkullim të automjeteve, të cilët rrezikojnë fëmijët që kalojnë në këtë rrugë për të shkuar në shkollë”, ka thënë Morina, transmeton Portali.info.
Ai ka thënë se kjo rrugë është asfaltuar para gjashtë viteve, por komuna nuk ka ndërmarrë asgjë për shtrimin e trotuarit.
Morina ka thënë se vetë vajza e tij ka qenë e aksidentuar në afërsi të shkollës, por që për fat të mirë ka shpëtuar. /PORTALI.info