Ka përfunduar pjesa e parë e ndeshjes së katërt finale të play-off-it në IP Superligën e Kosovës në basketboll ndërmjet Bashkimit e Sigal Prishtinës, e cila po zhvillohet në një atmosferë të shkëlqyeshme në palestrën “Sezai Surroi” në Prizren. Pas 20 minutave lojë, rezultati është 39:39.
Skuadra kryeqytetase pati fillim mjaft të mirë, periudhë në të cilën u dallua Filip Bundoviq, por më pas vendësit arritën të mobilizohen dhe deri në fund të pjesës së parë loja u karakterizua me rivalitet të madh, për të shkuar në pushim me rezultat të barabartë. Altin Morina me 9 dhe Urim Zenelaj me 8 pikë ishin më efikasit te Bashkimi, ndërsa te Sigal Prishtina u dallua Bundoviq me 16 pikë të shënuara.