Kryetari i Komunës së Malishevës, Ragip Begaj dhe nënkryetari Hajdin Berisha, edhe këtë enjte i kanë mbajtur dyert e hapura për pritjen e qytetarëve, për t’i dëgjuar hallet dhe problemet që kanë qytetarët, si në rastet individuale, ashtu edhe të komunitetit, për çështjet e caktuara.
Për këtë arsye, gjatë tërë pasdites, Begaj dhe Berisha, i kanë mbajtur dyert e hapura për qytetarët.
Komuna e Malishevës, përkatësisht zyra e kryetarit të komunës, çdo të enjte, duke filluar nga ora 13:00, është tërësisht në dispozicion të qytetarët, të cilët duan të bisedojnë me udhëheqjen komunale, për çështje të caktuara.
Kjo tashmë është shndërruar në traditë, por edhe ditëve tjera të punës, kryetari Begaj dhe nënkryetari, i presin qytetarët, të cilët vijnë në zyrat e komunës.