13.8 C
Prizren
E enjte, 28 Mars, 2024

“BREZA GRASH”, libri më i ri i poetes Adelina Xhaferi

Stina e pranverës sjell gjithmonë botime të reja letrare. Sot, më 11 qershor 2022 doli në dritë të botimit libri i dytë me poezi i poetes së re dhe magjistres së letërsisë nga qyteti i Gostivarit, Adelina Xhaferi, i titulluar me një titull mjaft tërheqës, “BREZA GRASH”, vepër në të cilën kjo poete, me një numër të konsiderueshëm të poezive lirike sjell një frymë të re.

Duke e vënë theksin kryesor te mënyra se si dashuron dhe si dashurohet vajza, gruaja në një shoqëri shqiptare, e lidhur rrënjësisht me kanunin dhe me çdo element që e simbolizon këtë gjë, ajo krijon vargje që janë pjesë e secilit prej nesh, vargje që janë të lidhura fort me të kaluarën tonë dhe me atë se si për frymën dashurore të grave perëndia duhej t’i pranonte lutjet e shumta.

Libri në fjalë, u përkrah nga Ministria e Kulturës e vendit tonë dhe u shtyp në shtypshkronjën “Syth” në qytetin e Tetovës.

Më poshtë po përcjellim një poezi nga ky libër, që bën bashkë tradicionalen dhe modernen e letërsisë sonë.

QE DASHURIA, IMZOT

M’the IMZOT se n’fillim qe fjala…
Sa guximshëm m’paske gënjyer n’mesha t’dielash!
E un’…
…gjiçelur…flok’shprishur…
e më keq se k’to
veç n’rendje fjal’sh e marrë paskam qen’…
IMZOT!
M’thuaj nga sot e tutje se qe DASHURIA!
Po! Dashuria…
Dhe n’kraharorin tënd me koh’ ka fjetur
siç qe n’mua dhe n’jetën e një t’treti
më shum’ se bekim jete.
…pastaj…
un’…ti…
e brezat e harruar t’grave gjëm’zeza
le t’jetojmë për të!
E para qe IMZOT.
Thuaji psalm mbi kokat tona!

 

Më Shumë

Kurti pranon nga Nagavci raportin e teksteve të rishikuara për klasat 1-9

Kryeministri Albin Kurti e konsideron thelbësor rishikimin e teksteve shkollore për cilësinë e arsimit dhe edukimit në Kosovë. Këtë deklaratë ai e ka bërë...

Sot moti me vranësira dhe intervale me diell

Për sot parashikohet të mbajë mot me vranësira dhe intervale me diell, ndërsa gjatë orëve të para të 24-orëshit pritet të ketë reshje shiu,...

Lajmet e Fundit