Alessandro Del Piero është shtrirë në spital në Los Angeles, për shkak të probleme me gurë në veshkë.
Ish-ylli i Juventusit dhe Italisë e postoi një fotografi ku shihet i shtrirë në Departamentin e Emergjencës në Spitalin e Los Angeles, transmeton Gazeta Express.
Ai shihet me maskë në gojë, gjë që i ka shqetësuar tifozët e tij, por Del Piero ka treguar se maska ishte thjesht masë parandaluese dhe se ai nuk vuan nga koronavirusi.
Del Piero shkroi se nuk mund ta besojë se një gur aq i vogël mund t’i shkaktojë probleme atij.
“Ende nuk mund ta besoj që diçka vetëm 3 milimetra mund të të lëndojë kaq shumë”, shkroi italiani. /Gazeta Express/