Organizata jo-qeveritare “EC Ma Ndryshe”, përmes një reagimi në faqen zyrtare të saj, ka shprehur shqetësime lidhur me dëmtimin e punimeve të vendosura në lisat të cilët ndodhen në Qendrën Historike të Prizrenit.
Kjo organizatë, ka kërkuar nga organet kompetente t’i identifikojë autorët e pandërgjegjshëm të këtij akti të shëmtuar.
“Persona të pandërgjegjshëm kanë dëmtuar punimet e dorës të vendosura në trupat e lisave në Qendrën Historike të Prizrenit. Lusim qytetarët që të njoftojnë organet e rendit në rast se identifikojnë personat që kryejnë vepra të tilla”, thuhet në reagimin e “EC Ma Ndryshe”. /PrizrenPress.com/
