26.3 C
Prizren
E diel, 14 Shtator, 2025

Dragash:Mungon i akuzuari për sulm, shtyhet për kohë të pacaktuar gjykimi ndaj tij

Mungesa e të akuzuarit për veprën penale të sulmit, Kamber Shuke, ka bërë që të dështojë seanca ndaj tij, e paraparë të mbahej të enjten në Gjykatën Themelore në Prizren, dega në Dragash.

Gjykatësi i rastit, Bekri Vehapi, ka konstatuar se në bazë të shkresave të lëndës, i akuzuari nuk është thirrur në mënyrë të rregullt, pasi që nga konstatimi i dorëzuesit, sipas tij, shihet se ai jeton në Kroaci.

I pranishëm në seancë ka qenë prokurori i rastit, Besim Susuri, por për shkak të mungesës së të akuzuarit, seanca është shtyrë për kohë të pacaktuar.

Sipas aktakuzës së ngritur më 26 mars 2018, nga Prokuroria Themelore në Prizren, i pandehuri Kamber Shuke, akuzohet se më 12 gusht 2018, rreth orës 23:20, në fshatin Restelicë, saktësisht në shëtitoren e fshatit e përdor forcën ndaj të dëmtuarit Resul Balje.

Siç thuhet në aktakuzë, i gjithë rasti ka ndodhur pasi që ata kishin një mosmarrëveshje paraprake në mes tyre për një çështje pronësore dhe me pas i akuzuari Shuke e sulmon të dëmtuarin fizikisht, duke e goditur me shkop tri herë, në pjesë të poshtme të trupit, mirëpo nuk i shkakton lëndime trupore.

Sipas këtyre veprimeve, ai akuzohet se ka kryer veprën penale “sulm”, e parapare me nenin 187 paragrafi 1 i Kodit Penale të Kosovës. /BetimipërDrejtësi

Më Shumë

Tentativë vjedhjeje në një bankomat në Rahovec, autorët ende ta paidentifikuar

Një tentativë për vjedhjen e një bankomati në fshatin Xërxë të Rahovecit ka ndodhur në orët e para të mëngjesit të ditës së sotme. Sipas...

Prizreni përfiton internet publik falas përmes projektit evropian WiFi4WB

Kryetari i  Prizrenit, Shaqir Totaj, ka bërë të ditur se Komuna e Prizrenit është përzgjedhur për të përfituar nga iniciativa WiFi4WB, që do të...

Lajmet e Fundit