Dy vëllezër dyshohen se kanë kërcënuar një grua në fshatin Pllanjanë të Prizrenit
Vìktima është detyruar të kërkojë ndihmën e policisë.
Sinjali merr vesh se njëri nga të dyshuarit është pjesëtar i Forcës së Sigurisë së Kosovës.
Bazuar në dëshminë e viktimës, pjesëtari i FSK-së ishte jashtë detyrës zyrtare, kur bashkë me vëllain e tij dyshohet se kanë kërcënuar gruan.
Si rezultat i denoncimit, dy vëllezërit janë shoqëruar në stacion policor, ku janë intervistuar nga hetuesit lidhur me rastin.
Pas përfundimit të procedurave policore, Prokurori i Shtetit ka urdhëruar që ndaj tyre të nisin hetimet nën dyshimet për kryerjen e veprës penale ‘Kanosje’.