Para të gatshme dhe stoli ari janë vjedhur brenda dhjetë minutave dje në Prizren.
Policia ka bërë të ditur se rasti i parë i vjedhjes është raportuar në orën 17 e 30 minuta kur viktima mashkull ka njoftuar policinë se i janë vjedhur para të gatshme dhe stoli ari, shkruan PrizrenPress.
“Ankuesi mashkull K-Shqiptar ka informuar se persona të pa njohur kanë depërtuar me forcë në banesën e tij dhe kanë vjedhur para të gatshme dhe stoli ari. Rasti është duke u hetuar”, thuhet në raportin 24 orësh të PK-së.
Ndërsa dhjetë minuta më vonë një person tjetër ka raportuar në polici se i janë vjedhur 100 euro para të gatshme.
“Viktima mashkull K-Shqiptar ka raportuar se një i dyshuar i panjohur ka vjedhur 100 euro para të gatshme dhe është larguar në drejtim të panjohur. Rasti është duke u hetuar”, thuhet në raport. /PrizrenPress.com/