17.1 C
Prizren
E mërkurë, 7 Maj, 2025

Erërat shkaktojnë dëme të mëdha në Malishevë (Foto)

Vikendi në Komunën e Malishevës, është përcjellë me dëme të mëdha, si pasojë e erërave të fuqishme. Janë regjistruar shumë raste të dëmeve të mëdha, si kulme të objekteve, e deri te djegia e një restoranti të madh në Malishevë. Pavarësisht dëmeve, nuk janë regjistruar dëme në njerëz.

Sipas drejtorit të drejtorisë për Mbrojtje dhe Shpëtim, Ahmet Morina, dëmet janë shumë të mëdha dhe ekipet e shpëtimit dhe zjarrfikësve kanë intervenuar në disa raste.

“Gjatë të shtunës kemi pasur pesë thirrje për ndërhyrje, ku ekipet tona kanë intervenuar, ndërsa gjatë natës së mbrëmshme është regjistruar një zjarr i madh në restorant “Rozafa”, i cili është djegur në tërësi, mirëpo, për fatin e mirë, nuk ka pasur dëme në njerëz”, tha Morina.

“Ekipet e zjarrfikësve dhe shpëtimit, me të marrë informatën për zjarr, kanë dalë në vend ngjarje, ndërsa është dashur të merren përforcime shtesë, ku është intervenuar me tri automjete kundër zjarrit”, ka shtuar ai.

Malisheve-deme

Sipas kësaj drejtorie, përveç pesë thirrjeve për intervenim dhe këtij zjarri, janë regjistruar edhe dëme tjera, në objekte banimi, lokale afariste dhe objekte shkollore. Së paku në dy shkolla në përfundim e sipër, erërat e fuqishme i kanë dëmtuar kulmet e tyre, njëra në Gurishtë dhe tjetra në Bubavec.

Malisheve-deme1

Komuna e Malishevës, sot ka formuar së paku dy ekipe vlerësuese të dëmeve, të cilët, përveç dëmeve të regjistruara, pas informacioneve të marra nga të dëmtuarit, është duke u munduar të regjistroj edhe dëmet tjera, në çdo vendbanim.

Pas regjistrimit dhe vlerësimit, pritet që komisionet të dalin me vlerësim përfundimtar të dëmeve të shkaktuara, të cilat konsiderohen mjaft të mëdha. /PrizrenPress.com

Malisheve-deme2

Më Shumë

Pa ujë çdo ditë nga ora 16:00 deri 23:00 në Malishevë – deri në vendosjen e pompave të reja

Kompania Rajonale e Ujësjellësit “Hidroregjioni Jugor” në Prizren ka bërë të ditur se për shkak të mosfurnizimit të rregullt me ujë në disa zona...

Dragashi përballet me ndërprerje të përkohshme të ujit pas defektit pranë xhamisë së vjetër

Kompania Rajonale e Ujësjellësit “Hidroregjioni Jugor” ka njoftuar konsumatorët e Dragashit se mbrëmë ka ndodhur një defekt në gypin kryesor të ujësjellësit, në afërsi...

Lajmet e Fundit