Filmi “La Grande Bellezza” (Bukuria e madhe) e regjisorit italian Paolo Sorrentini është shpallur filmi më i mirë i Europës për këtë vit. Shpallja është bërë në ceremoninë e 26 të dorëzimit të çmimeve evropiane të filmit, të shtunën në mbrëmje, në Berlin.
Ky film ishte të shtunën fitues i shumëfishtë, pasi që ai fitoi edhe tre çmime të tjera- Paolo Sorrentini e fitoi Çmimin e Europës për regjisorin më të mirë, aktori në rolin kryesor,Toni Servilo fitoi Çmimin për aktorin më të mirë, ndërsa filmi ka marrë edhe Çmimin për montazhin më të mirë.
Filmi i Sorrentinit është kandidat i Italisë për ‘Oskar’ për filmin më të mirë të huaj.