25.9 C
Prizren
E diel, 14 Shtator, 2025

Fitore pa pushtet

SalimJonuziSalim Jenuzi dhe PDK-ja në Sharr, në zgjedhjet e fundit lokale, fituan edhe një mandat për të qeverisur komunën e Sharrit.Fitoren Jonuzi e siguroi për të tretën herë në balotazhin e 1 dhjetorit, përballë kandidatit të LDK-së,Fatmir Mehmeti.

Për të arritur deri të fitorja, ai në balotazh ka mbledhur rreth vetit në koalicion edhe pesë subjekte të tjera politike, në mesin e tyre edhe CDU-në

Burimet e “PrizrenPress-it”, bëjnë të ditur se koalicioni i PDK-së me CDU-në, po i shkakton probleme kryetarit Salim Jenuzit, në formimin e qeverisë së re në Sharr. Ai nuk është duke mundur që të ndaj ‘kulaçin” e pushtetit në mes të partive politike në koalicion dhe PDK-së.

“Jenuzi ka ra në hall të mëdha se kujt çka t’i jep. CDU ia ka prish balancën, që ka pasur edhe me partitë e tjera”,tregon burimi i “PrizrenPress-it”.Sipas të njëjtit burim, pakënaqësi për numrin e madh të partive në koalicion kanë shprehur edhe anëtarët brenda PDK-së.

” PDK-ja në Sharr ka filluar ta shoh vetën pa pushtet. Pesë partitë politike në koalicion, ndërkaq nuk heqin dorë nga marrëveshja që kanë arritur në balotazh”.

Ekzekutivi i Komunës së Sharrit përbëhet prej tetë drejtorive. Ndërkaq, PDK-ja në balotazh, ka lidhë koalicion me pesë subjekte politike, AKR-në,AAK-në,”Vakat”,GIG dhe CDU-në. Në opozitë kanë mbetur vetëm LDK-ja dhe Bashkimi Demokratik.

Kryetari Salim Jonuzi pranon se ende nuk e ka arritur të formojë me partitë e koalicionit, qeverinë e re. Ai premton se shumë shpejt do të ndodhë një gjë e tillë.”Jo nuk e kam formuar qeverinë e re. Është punë e imja kur e formojë”,ka thënë shkurt Jonuzi për “PrizrenPress”. Jenuzi në balotazhin e 1 dhjetorit ka dal fitues përballë kundërkandidatit të LDK-së, Fatmir Mehmeti. Ai do të jetë kryetar i Sharrit edhe për një mandat katërvjeçar./PrizrenPress.com/

 

 

Më Shumë

Nënshkruhen kontratat për dhurimin e pajisjeve për përfituesit e Komunës së Prizrenit

Sot u nënshkruan kontratat për pranim-dorëzimin e pajisjeve të dhuruara për përfituesit e Komunës së Prizrenit nga Projekti Integra, i financuar nga Ministria Federale...

Tragjedi në Rahovec: Vdes dyvjeçari pas lëndimit aksidental, rasti nën hetime

Një fëmijë dyvjeçar ka ndërruar jetë sot në Qendrën Klinike Universitare të Kosovës (QKUK), pasi kishte pësuar një lëndim aksidental më 31 gusht në...

Lajmet e Fundit