25.6 C
Prizren
E premte, 11 Korrik, 2025

Flasin për reformën e transparencës komunale

Kryetari i Komunës së Malishevës Ragip Begaj, ka pritur sot në një takim drejtuesit e organizatës “EC Ma Ndryshe”, përkatësisht Elmedina Baxhakun, të cilët kanë biseduar çështje të shumta sa i përket reformës së transparencës komunale.

Begaj i ka njoftuar rreth asaj se çka bënë komuna e Malishevës në mënyrë që të jetë sa më transparente.

“Besoj të jem kryetari me transparent sa i përket punës zyrtare, qytetarët e mi duhet të dinë qoftë punova mirë apo keq, duhet të dinë çdo veprim timin, ngase unë punoj për ta dhe mirëqenien e tyre”, tha Begaj me këtë rast.

Ndërkaq, Elmedina Baxhaku, e njoftoi Begajn, rreth projektit “Indeksi i Reformës së Transparencës Komunale” i cili ka për qëllim që t’i asistoj komunat në identifikimin e mangësive kryesore sa i përket transparencës sikurse edhe të ofroj udhëzime për adresimin dhe tejkalimin e tyre. Indeksi i Transparencës paraqet edhe një përpjekje të strukturuar për të mbështetur komunat e Kosovës në përmbushjen e standardeve të qeverisjes së mirë, të përcaktuara me reformën e qeverisjes lokale dhe agjendën evropiane të Kosovës.

Në këtë takim të dyja palët u dakorduan që të ketë bashkëpunim sa i përket fushës së transparencës komunale. /PrizrenPress.com/

Më Shumë

Ekrem Kastrati kandidon sërish për kryetar të Malishevës

Ekrem Kastrati, kryetar i Malishevës, ka konfirmuar se do të kandidojë sërish në zgjedhjet lokale që do të mbahen më 2 tetor. Këtë e bëri...

Gashi, i mbetet besnik Yllit

Artin Gashi do të vazhdojë të jetë pjesë e Golden Eagle Yllit edhe në sezonin e ri, që përkon me edicionin jubilar të 50-vjetorit...

Lajmet e Fundit