Shefi i Shtabit Zgjedhor të AAK-së, Ardian Gjini në emër të partisë së tij ka bërë premtimin kryesor publik.
“Brenda 100 ditësh me Ramushin kryeministër do të rrëzohet barrikada mbi Ibër dhe ura do të hapet. Regjistrojeni këtë diku, sepse kështu do të ndodhë”, ka thënë Gjini në debatin për AAK-në në Interaktiv.
Ai është shprehur optimist për rezultatin e partisë së tij, duke thënë që pritet të fitojnë 30 % të votave. Gjini ka shpalosur programin ekonomik të partisë, dhe sërish ka hedhur poshtë lidhjet e partisë së tij me haraçin.
“SHIK-u e ka shpërndarë këtë propagandë. I kanë bërë veta ato vepra, por na i kanë mveshë neve”, ka thënë Gjini.