Kryetari i Prizrenit, Mytaher Haskuka, ka dhënë dy lajme të mira për koronavirusin.
“Dje kishim dy lajme të mira. I pari ishte që kontaktet e personit të dytë që ishte diagnostifikuar me virusin COVID-19 ka kanë rezultuar negativ në testimet e tyre”, shkruan Haskuka në Facebook.
“Lajmi i dytë ishte që i riu nga Korisha, i cili ishte ndër rastet e para i diagnostifikuar me COID-19 është shëruar, duke mos e përhapur më tutje virusin”.
Haskuka, ka kërkuar nga qytetarët që të tregohen të kujdeshëm .
“Sidoqoftë këto lajme të mira nuk bën të na relaksojnë ngase simptomat e virusit mund të mos shfaqen për dy javë dhe kjo do të thotë se mund të ketë persona tjerë të infektuar për të cilët nuk dimë, si ishte rasti i gruas nga Korisha”.
“Sot ekipet e Instituti Kombëtar i Shëndetësisë Publike të Kosovës janë duke bërë intervista me familjarët dhe kontaktet e personit të tretë të infektuar në Korishë, në ndërkohë I ftojmë gjithë kontaktet e personit që të vetizolohen për dy javë dhe nëse kanë simptome të telefonojnë në numrin 038 200 80 800”.
“Të ndihmojmë stafin mjekësor profesional që të bëjnë punën e tyre duke respektuar masat”./PrizrenPress.com/