Kryetari i Prizrenit, Mytaher Haskuka, ka shpërndarë sot 56 motokultivatorë dhe 20 freza për bujq.
“Një nga premtimet e mia ka qenë rritja e subvencioneve në bujqësi, të cilën e kami përmbushur më shumë projekte që kemi realizuar për 4 vite,vlera totale e të cilave është më shumë se 4 milionë euro”, tha Haskuka.
“Një prej tyre është edhe projekti “Furnizimi me mekanizëm bujqësor”, nga i cili këtë vit kanë përfituar 76 fermerë, ku sot kemi bërë shpërndarjen e 56 motokultivatorëve dhe 20 frezave për këta përfitues”.”
Ky projekt mundëson rritjen e cilësisë së shërbimeve për përpunimin e tokës, modernizimin e mekanizmit bujqësor, zvogëlimin e shpenzimeve dhe rritjen e shpejtësisë së kryerjes së punëve në ara e fusha”.
“ Andaj për këto 4 vite kemi shpërndarë gjithsej 378 mekanizma bujqësore , në vlerë totale prej 761.145 euro”, tregon Haskuka./PrizrenPress.com/
