Kohën e fundit, është rritur numri i helmimeve që po ndodhin në ahengje të ndryshme familjare.
Një numër i madh shqiptarësh është helmuar në qytetin e Elbasanit.
Deri më tani në spital kanë shkuar rreth 10 persona që kanë marrë pjesë në një dasëm. Tre prej tyre kanë ardhur në gjendje të rënduar shëndetësore, bëjnë të ditur mediat e Shqiperisë.
Dasma është organizuar ditën e djeshme, ndërsa nga orët e drekës e deri më sot në darkë, dasmorët kanë ardhur në spital njëri pas tjetrit duke shfaqur shenja të helmimit nga ushqimi.
Spitali i Elbasanit ka kaluar në gatishmëri pasi pritet që numri i të helmuarve të pësojë rritje.