Hillary Clinton do të shpallë kandidaturën e saj për presidente të SHBA-së ditën e diel. Lajmi është bërë i ditur për “The Guardian” nga një burim pranë stafit elektoral të zonjës Clinton.
Zëdhënësi i Hillary Clinton ende nuk e ka konfirmuar këtë lajm.
Në këtë mënyrë, Clinton do të jetë e para kandidate e demokratëve për zgjedhjet presidenciale të vitit 2016 dhe pritet të jetë favoritja kryesore e partisë së saj.
Kjo është hera e dytë që Hillary Clinton kandidon për presidente, pas kandidimit në vitin 2008.