Kryetari i OSHP-së, Hysni Hoxha, ka thënë se nuk do të jap dorëheqje nga posti që mban pasi nuk dëshiron që këtë institucion “ta merr lumi”.
Ai, në një konferencë për media, ka thënë se akuzat që po i bëhen nga institucionet e drejtësisë “janë të dirigjuara nga grupet e interesit dhe të parapolitikes”.
Por, Hoxha nuk ka pranuar të tregojë më shumë detaje se kush janë grupet e interesit e kush ata të parapolitikës, raporton Koha.net.
Ai ka thënë se në vitin 2014 kanë vendosur për më shumë se 500 ankesa të operatorëve ekonomikë, ndërsa gjysmën e tyre i kanë anuluar apo i kanë kthyer në rivlerësim.
Kreu i OSHP-së ka reaguar kundër deklaratave të prokurorit Admir Shala dhënë në emisionin “Puls” të KTV-së, duke thënë se me ato deklarata ai ia ka bërë një gjykim publik për një aktakuzë që i është ngritur.