Arlind Ajeti dje në fushë “Renzo Barberas” pësoi një dëmtim, duke lënë në mes seancën stërvitore duke shqetësuar kuqezinjtë.
Gjithsesi nga informacionet e fundit nga Italia duket se nuk ka ndonjë gjë për t’u shqetësuar në lidhje me këtë dëmtim. Ajeti do të jetë në fushë mbrëmjen e sotme kundër Italisë.
Stafi mjekësor ka qetësuar De Biazin, teksa dëmtimi i mbrojtësit ka qenë tepër i lehtë dhe se stërvitja u la në mes për të mos rrezikuar që lojtari të lëndohej akoma më tepër.
Arlind Ajeti do të formojë treshen e qendrës në mbrojtje së bashku me Kukelin dhe Veselin, ndërsa Hysaj dhe Agolli do të mbulojnë krahët në prapavijë.