Lideri i LDK’së, Isa Mustafa, është duke e promovuar vetën si Kryeministër të ri të Kosovës. Sipas një njoftimit të LDK’së, Mustafa gjatë qëndrimit në Berlin, ka prezantuar platformën qeverisëse para zyrtarëve gjermanë.
Pas Berlinit, Mustafa pritet të shkojë në Bruksel, por nuk është sqaruar se çfarë takimesh do të ketë në shtetin belg.
Lexojeni të plotë njoftimin
Kryetari i Lidhjes Demokratike të Kosovës, Isa Mustafa, së bashku me një delegacion të LDK-së, me ftesë nga partia simotër në Gjermani, Unioni Kristian Demokratik (CDU), po qëndron në vizitë disaditore në Berlin të Gjermanisë. Kryetari Mustafa është i shoqëruar nga, znj. Teuta Sahatqija, z. Lutfi Haziri dhe z. Agim Veliu.
Kryetari Mustafa dhe delegacioni i LDK-së, gjatë ditës së sotme ka takuar zyrtarë të lartë partiak, z. Bertil Wenger, Sekretar i Internacional i CDU-së, z. Frank Priess nënkryetar i Fondacionit
Konrad Adenauer dhe z. Andreas Schockenhoff Nënkryetar i Grupit Parlamentar CDU/CSU.
Vizita është shenjë e bashkëpunmit të ngushtë që po ndërton LDK-ja me CDU-në Gjermane, ku Kryetari Mustafa bisedoi për zhvillimet e fundit në Kosovë dhe regjion, procesin e themelimit të institucioneve dhe prezantoi platformën qeverisëse.
Kryetari Mustafa dhe delegacioni i LDK-së, gjatë ditës së nesërme do të zhvillojnë takime tjera me zyrtarë të Kancelarisë Gjermane.
Pas vizitës në Berlin, Kryetari Mustafa do të udhëtoj për në Bruksel.