Kylian Mbappe është objektivi madhor i Real Madridit për repartin ofensivë.
Sulmuesi brazilian prej kohësh po kërkohet nga Los Blancos dhe duket se transferimi i tij do të ndodh në verë.
Kështu së paku ka deklaruar ish-anëtari i Paris Saint Germain, Jerome Rothen, që ka zbuluar se ka pasur një marrëveshje para coronavirusit për kalimin e Mbappes në Santiago Bernabeu.
Karim Benzema, Raphael Varane dhe Kylian Mbappe nga edicioni i ri mund të jenë bashkëlojtarë te Real Madridi. (Photo by David Ramos/Getty Images)
“Nga burimet që kam brenda klubit e di që kishte një marrëveshje para Covid-19 që Mbappe të kalonte te Real Madridi”, deklaroi Rothen për Radio Montecarlo.
Ish-reprezentuesi francez thotë se kalimi i Mbappes te Reali është vetëm çështje kohe.
“Pas asaj që ka ndodhur me virusin, kalimi i Mbappes në Madrid do të shtyhet, por përsëri ka gjasa të ndodh këtë verë. Sipas mendimit tim dhe informacioneve që kam, transferimi i Kylian te Reali është vetëm çështje kohe”, vazhdoi tutje Rothen.
Kylian Mbappe . (Photo by David Ramos/Getty Images)
42-vjeçari thotë se nuk ka asnjë shans që Mbappe të vazhdoj kontratën me PSG-në, pasi lojtari dhe klubi kanë një marrëveshje që e lejojnë reprezentuesin francez të transferohet te Reali.
“Nuk ka asnjë mënyrë që Mbappe ta zgjas kontratën me PSG-në. Lojtari dhe klubi kanë një marrëveshje që e lejojnë atë t’i bashkohet Realit këtë verë”, përfundoi Rothen.
Jerome Rothen. (Photo by Phil Cole/Getty Images)
21-vjeçari ka kontratë me kampionin në fuqi të Francës deri në verën e vitit 2022, ndërsa për momentin është lojtari më i shtrenjtë në botë.
Reali për ta transferuar kampionin e botës me Francën në Santiago Bernabeu duhet të paguajë 200 milionë euro. /Telegrafi/