Ish-Kryeministri i Republikës së Turqisë, deputeti nga radhët e AK Partisë, Ahmet Davutoglu i cili qëndron në Kosovë me rastin e 10 vjetorit të pavarësisë së Republikës së Kosovës, sot vizitoi shkollën e Fondacionit Turk Maarif, “International Maarif Schools of Kosova”, në qytetin e Prizrenit, transmeton Gazeta e Re.
Me rastin e vizitës, Davuto?lu, tha se Fondacioni Maarif është një institucion shumë i rëndësishëm për shtetin e Turqisë në fushën e edukimit edhe jashtë Turqisë.
“Ndihemi shumë të lumtur që Fondacioni ‘Maarif’ ka filluar aktivitetet e para në Ballkan nga Kosova. Objektivat e fondacionit janë shumë të larta, sepse synojnë që të arrijmë pikën më të lartë në fushën e edukimit. Synojmë që fëmijët të cilët do të jenë krijuesit e të ardhmes së Kosovës do të përgatiten për të ardhmen me një edukim të mirë dhe kualitativ. Kjo ka një domethënie shumë të madhe për Kosovën, sepse Kosova është një shtet mik i yni”, tha Davuto?lu.
Ai më pas vizitoi ambientet e shkollës.