Kreu i shtetit të Kosovës, Atifete Jahjaga, zv/kryeministri Hashim Thaçi dhe kryeministri i Shqipërisë, Edi Rama do të jenë sot përkrahë liderëve të shumë shteteve të botës që do të marrin pjesë në marshin paqësor për të nderuar 17 viktimat e dy sulmeve terroriste në Paris.
Sipas informacioneve të deritashme, në këtë marsh pritet të marrin pjesë edhe kancelarja gjermane, Angela Merkel, kryeministri britanik, David Cameron, shefi i qeverisë spanjolle, Mariano Rajoy, kryeministri italian, Meteo Renzzi dhe presidenti i Këshillit të BE-së, Donald Tusk.
Dy myslimanë me nënshtetësi franceze, të enjten kanë sulmuar zyrat e revistës satirike Charlie Hebdo duke vrarë 10 gazetarë dhe 2 policë.
Një ditë më pas dy bashkëpunëtorë të këtyre terroristëve kanë kryer edhe pesë vrasje të tjera derisa kanë bërë përpjekje të ikin nga kapja prej policisë franceze.