Kandidati i Lëvizjes Vetëvendosje! për kryetar të Prizrenit, Arbër Rexhaj ka vizituar banorët e fshatit Zym. Ai me banorët e këtij fshati është njoftuar me problemet e tyre.
Banorët e fshatit Zym janë detyruar të shpërngulen për shkak të mungesës të ujit të pijshëm, rrugët e prishura dhe mungesës së investimeve.Ata janë ankuar edhe për indiferencën që pushteti aktual ka treguar përballë trashigimisë kulturore.
Kandidati Rexhaj tha se mbrojtja institucionale e këtij fshati është e domosdoshme duke e pasur parasysh trashëgiminë kulturore, florën dhe faunën e pasur të saj.
“Është e papranueshme që në njërën anë banorët e Zymit të jenë ndër kontribuuesit më të mëdhenj të ekonomisë sonë lokale me remitanca, ndërsa në anën tjetër, pushteti lokal t’i ndëshkoj me mospërfillje të nevojave elementare e tyre. Ky raport duhet të ndryshoj urgjentisht”, tha Rexhaj./PrizrenPress.com/