165.12 euro mbushje telefonike ka shpenzuar ish-kryetarja e Kuvendit të Kosovës, tash presidente e vendit, Vjosa Osmani-Sadriu në tre mujorin e parë të këtij viti.
Ani, pse me vendim të Kryesisë së Kuvendit në maj të vitit të kaluar, kryetari i këtij dikasteri mund të shpenzojë deri në 150 euro në muaj mbushje telefonike, shkruan FrontOnline.
Osmani, që në atë kohë ishte kryetare e Kuvendit në muajin janar ka arritur të shpenzojë më shumë para, gjithsej 83.55 euro.
Në një përgjigje për FrontOnline nga Zyra për media e Kuvendit të Kosovës, kanë treguar edhe se sa para ka shpenzuar Osmani edhe për muajin shkurt dhe mars.
“Vjosa Osmani-Sadriu në muajin janar ka shpenzuar 83.55€, në muajin shkurt 33.24€ dhe në muajin mars 48.33€”, thuhet në përgjigjen e Kuvendit për FrontOnline.
E deri, në maj të vitit 2020 kryetari i Kuvendit nuk ka pasur limit sa i përket shpenzimeve për mbushje telefonike.
Në Kuvendin e Kosovës kanë thënë se në rast tejkalimi të këtij limiti, procedohet ndalesa nga paga, edhe pse deri më tani nuk ka ndodhur që të ketë tejkalime