Deputeti i Kuvendit të Kosovës nga Lëvizja Vetëvendosje, Glauk Konjufca ka thënë se qeveria e kaluar ishte ajo e lulëzimit të korrupsionit, e ngecjes ekonomike, e kapjes së drejtësisë dhe shumë të këqijave të Kosovës.
“Kjo qeveri s’ka nevojë as për mbrojtje pompoze e as për kritika, sepse kjo është qeveria e cila e ka sjellë Kosovën në gjendje shumë të keqe. Kjo qeveri asnjë rrugë të vetme nuk e shtroj nëse nuk përkthehej në vota, asnjë shkollë nuk ndërtojë nëse nuk u sigurua se do të kthehej në vota…”, tha Konjufca.
Andaj, sipas tij, kryeministri i ardhshëm, njëherësh lideri i LDK-së, përkatësisht i nominuari për kryeministër, iu bashkua njeriut i cili e keqqeverisi vendin për këto vitet e fundit.
“Ky kryeministër e bëri aktin më të ultë publik. Ai erdhi në krye duke e kundërshtuar PDK-në.
Ai u tha njerëzve se do t’i jap fund keqqeverisjes kriminale të PDK-së. Ky njeri në asnjë sekondë nuk paska qenë i sinqertë. Si mundi ai ta keqpërdorë votën e qytetarëve dhe ta negociojë me Hashim Thaçin”, tha ndër tjerash Konjufca. /Telegrafi/