Në fshatin Korishë të Prizrenit janë përkujtuar sot 77 martirët e luftës.
Kryetari i Komunës së Prizrenit Ramadan Muja, tha se gjaku i dëshmorëve dhe martirëve në luftën çlirimtare vulosi themelet e shtetit të Kosovës.
“Fal gjakut të tyre sot e kemi shtetin tonë”, tha Muja.
Ish -komandanti i Batalionit të II-të të UÇK-së në Kabash,njëherësh nënkryetar i Prizrenit, Lulzim Kabashi, tha se 13 maji i vitit 1999 ka lënë dhimbje dhe trishtim për të gjithë nw Korishë.
“Barbarët e humbjet në fushën e nderit u munduan t’i zbusin duke vrarë e masakruar civilë të shumtë që është rast i pashembullt në botë”, tha Kabashi,transmeton TVPZ.
Ai tha se lufta për liri e shqiptarëve nuk duhet të nëpërkëmbët nga askush
Anëtari i Këshillit Organizativ të manifestimit Rexhë Ukaj, tha se në këtë ditë para 16 vitesh, banorët e këtij fshati i kaploi tmerri i përgjakur pas kurthit që bënë armiqtë ndaj popullatës civile./PrizrenPress.com/