10.7 C
Prizren
E enjte, 18 Shtator, 2025

Kosova nis rrugëtimin për anëtarësim në NATO, themelohet Grupi punues ndërinstitucional

Qeveria e Kosovës ka vendosur sot për themelimin e Grupit punues ndërinstitucional për integrimin e Kosovës në Aleancën Veri-Atlantike, NATO.

Kryeministri i vendit, Albin Kurti në mbledhjen e Qeverisë së Kosovës tha se duke pasur parasysh prioritetin strategjik kryesor për anëtarësim në NATO, Ministria e Punëve të Jashtme ka propozuar formimin e Grupit për integrimin e vendit tonë në NATO.

“Objektivat kryesore të këtij grupi do të jenë avancimi i procesit të integrimit në NATO, përfshirja sa më e shpejtë e Kosovës në Partneritetin për paqe, anëtarësimi në Kartën e Adriatikut A 5, fuqizimi i pranisë së Kosovës në mekanizmat tjerë dhe intensifikimi i bashkëpunimit me aleatët strategjik ndërkombëtar”, tha Kurti.

Ministrja e Punëve të Jashtme, Donika Gërvalla theksoi se politika e zgjerimit të NATO-s është krejtësisht në përputhje me aspiratën shtetërore të Kosovës, për t’u bërë pjesë e një aleance që mbron vlerat e përbashkëta, si paqen, sigurinë e demokracinë.

“Anëtarësimi i Kosovës në NATO mbetet prioritet strategjik kryesor i Republikës së Kosovës”, tha ajo, raporton Telegrafi.

Ministrja e Punëve të Jashtme tha më tej se Kosova ka dëshmuar përkushtimin për mbrojtjen e vlerave dhe parimeve të përbashkëta si dhe përkushtimin të kontribuoj për paqe dhe siguri jo vetëm në rajon, por edhe më gjerë.

Ajo tha se veprimet dhe vendimet e shtetit të Kosovës e tregojnë qartë orientimin demokratik dhe paqedashës të shtetit tonë. /Telegrafi/

Më Shumë

Botohet libri i Arsim Bajramit “Konferenca e Rambujesë dhe intervenimi i NATO-s në Kosovë”

Ky studim është bërë në 25-vjetorin e mbajtjes së Konferencës së Rambujesë dhe bombardimeve të NATO-s në Kosovë, që mundësoi çlirimin dhe më vonë...

Drini i Bardhë e lë fitoren nga duart në minutat e fundit në Rahovec

Drini i Bardhë ka ndarë pikët në udhëtimin e saj ndaj Rahovecit, në një ndeshje të fortë dhe me ritëm të lartë. Përkundër dominimit...

Lajmet e Fundit