Gazeta e afërt me Barcelonën, ‘Sport’, pretendon se skuadra nga ‘Camp Nou’, nuk e ka ndërmend të vazhdojë sezonin.
Katalanët janë duke u nisur nga parimi se shëndeti është mbi të gjitha, dhe nuk duan të rrezikojnë asnjë nga futbollistët e tyre duke u sëmurë nga një ndeshje futbolli.
Sipas gazetës në fjalë, bordi i drejtorëve të klubit do të diskutojë për refuzimin e zhvillimit të ndeshjeve zyrtare, nëse federata spanjolle dhe ajo evropiane vendosin që garat të rikthehen në mënyrë të nxituar.
Te Barcelona, janë të sigurt se në qendrën e tyre do të merren të gjitha masat e nevojshme sanitare, por askush nuk do të ofrojë siguri për udhëtimet, në aeroplanë, autobusë, në dhomat e zhveshjes e gjërat tjera.
Përveç faktit se disa klube refuzojnë të kryejnë teste të koronavirusit për lojtarët e tyre, mund të çojë në mundësinë e infektimit në fushë.
UEFA dhe federatat kombëtare janë duke bërë plane për përfundimin e këtij sezoni.