20.8 C
Prizren
E mërkurë, 17 Shtator, 2025

LDK-ja sot zgjedh kryetarin e ri

Lidhja Demokratike e Kosovës sot do të mbajë Kuvendin e jashtëzakonshëm ku do të zgjidhet kryetari i ri pas dorëheqjes së Isa Mustafës nga kjo pozitë të cilën e mbajti për 10 vite.

Në Kuvendin Zgjedhor, që pritet të fillojë në orën 10:00, marrin pjesë 355 delegatë nga të gjitha degët e kësaj partie.

Në garë për të marrë timonin e LDK-së janë paraqitur katër kandidatura deri tani, ajo e Lutfi Hazirit, Lumir Abdixhikut, Anton Qunit dhe Besian Mustafës.

Isa Mustafa ka dhënë dorëheqje nga pozita e të parit të LDK-së pas rezultatit jo të mirë në zgjedhjet e 14 shkurtit ku partia e udhëhequr nga ai u rendit në vendin e tretë me 12.73 për qind të votave.

Kryetari i ri i LDK-së do ta drejtojë partinë për dy vitet e ardhshme, ku edhe do të mbahet Kuvendi i rregullt zgjedhor. Kryetari i ri do të jetë i katërti që nga themelimi i kësaj partie në vitin 1989.

Më poshtë mund të shihni agjendën e plotë të Kuvendit Zgjedhor të LDK-së.

Image

Më Shumë

Rahoveci për herë të dytë apo Kastrioti për herë të parë

Rahoveci e Kastrioti takohen të shtunën prej orës 20:00 në ndeshjen për trofeun e Superkupës së Kosovës në hendboll. Ndeshja zhvillohet në palestrën “Bill Clinton”...

Pesë vite më parë, mbylli perden përgjithmonë aktori Adem Mikullovci

Më 15 shtator 2020, pikërisht sot para pesë viteve, vdiq aktori Adem Mikullovci. Ai iku për t’u përjetësuar gjithmonë përmes veprave që la pas...

Lajmet e Fundit