Kryetari i Nismës për Kosovë, Fatmir Limaj ka bindjen se më përpara e pranon Serbia pavarësinë e Kosovës se sa që dorëhiqet Thaçi nga posti aktual.
I ftuar sonte në një emision të RTV21, ai tha se në Kosovë dy gjëra janë të vështira: Me dashur vendin dhe me punuar drejt.
Limaj tha se punëtori është ai që e do vendin, por në Kosovë tha se punëtorin e bëjnë budalla, derisa tha se edhe me deshtë vendin është vështirë.
I pyetur se a më shpejtë ndodhë që ta pranojë Serbia Kosovën apo që presidenti Thaçi të dorëhiqet nga posti, Limaj tha se mundet me ndodhë edhe kjo, që më parë të pranojë Serbia Kosovën sesa Thaçi të dorëhiqet. “Dorëheqja- kjo nuk ka shansa”, tha më tutje Limaj.