Ka vetëm dy javë që është publikuar dhe kënga më e re e këngëtares Elvana Gjata, e titulluar “Love me”, ka arritur të futet në mesin e këngëve më të dëgjuara këtë sezon.
Kënga ka arritur të klikohet më shumë se tre milionë herë në kanalin “Youtube”, transmeton Telegrafi.
Por, kjo këngë, videoklipi i së cilës është xhiruar në një mënyrë shumë të veçantë, përkatësisht me telefon mobil, ka kaluar kufijtë kombëtar duke arritur dëgjueshmëri edhe në shtetet e huaja.
Bëhet fjalë për Monakon, ku kënga “Love me” e Elvanës, është e gjashta me radhë në listën e këngëve më të dëgjuara në këtë vend.