Paraditen e së shtunës, një autobus në Prizren ka marrë flakë.
Zëdhënësi i Policisë së Kosovës në Prizren, Hazir Berisha, ka thënë për Koha.net se ka qenë një incident shumë i vogël madje nuk ka asnjë të lënduar.
“Qendra operative në Prizren ka njoftuar se ka qenë incident shumë i vogël. Pas një defekti të vogël që ka ndodhur është shkaktuar një flakë e lehtë”, tha Haziri.
Ai ka shtuar se në vendin e ngjarjes nuk ka qenë e nevojshme të dalin as Zjarrfikësit pasi zjarrin e kanë fikur shoferi me disa persona dhe se gjithçka është marrë nën kontroll.