Pesë mësimdhënës të cilët japin mësim në shkollat në fshtrat e Hasit kanë paraqitur sot në Drejtorinë e Arsimit shqetësimin e tyre për mos pagesën e mjeteve të udhëtimit nga Kompania fituese e tenderit për t’i mbuluar shpenzimet e këtyre mësimdhënësve udhëtarë.
Drejtori i Arsimit në Komunën e Prizrenit Nexhat Çoçaj, thotë se ka kërkuar nga mësimdhënësit që të bëjnë ankesa me shkrim në Drejtorinë e Arsimit që të mund të realizohet e drejta e tyre.
Ai u ka sqaruar mësimdhënësve procedurat e tenderit dhe u ka sqaruar atyre se nëse nuk ka ankesa nga secili mësimdhënës nuk mund të ua zgjidh problemin.Drejtori i Arsimit thotë se secili mësimdhënës që ka shqetësime të ngjashme duhet ta ankohet individualisht që ta realizojë të drejtën e tij.
Komuna e Prizrenit është ndër komunat e vetme në vend që mësimdhënësve udhëtarë ua paguan udhëtimin./TVO/