Në ditën Botërore të Teatrit, ministri i Kulturës, Rinisë dhe Sportit (MKRS), Kujtim Gashi, ka organizuar ceremoninë e ndarjes së çmimeve për Teatër për vitin 2018-të, raporton Ekonomia Online.
Gashi ka thënë se MKRS-ja do të ndajë 5 çmime. Ai shpreson që krijimtaria e aktorëve të zgjasë edhe më tutje me qëllim të promovimit të vendit.
“Ministria jonë do te ndajë 5 çmime për Teatër. Besoj që juria është shumë e fortë dhe kanë dhënë çmimet në mënyrë të drejtë. Shpresoj që krijimtaria e juaj të vazhdojë gjatë tërë jetës në fushën e teatrit. Ne si ministri po mundohemi që t’i ndajmë çmimet për çdo fushë që ka të bëjë me kulturë në mënyrë që Kosova të promovohet”, tha Gashi.
“…Ndarjen e çmimeve e ka bërë një juria profesionale, ku këto çmime janë:1. Prezantimi më i suksesshëm ndërkombëtar, Shtëpia filmike Act që realizoi 8 përfaqësime, 2. Aktori më i mirë Mentor Zymberaj me rolin në filmin “Ëndrrat e Hamletit”, 3. Regjisori më i mirë Bekim Lumi me shfaqjen Post-Mortum 4. Shfaqja më e mirë, shfaqja “Arturium” dhe 5. Çmimi kombëtar për karrierën e tij teatrale, Sabedin Shehiqi”, tha Gashi.
Shënimi i Ditës Botërore të Teatrit është iniciuar në Kongresin e 9-të Botëror të Institutit Ndërkombëtar Teatror (INT) të UNESCO-s në qershor të vitit 1961, ndërsa që nga viti në vijim ai shënohet me datën 27 mars, datë kjo kur është hapur sezoni i “Teatrit të Kombeve” në Paris.
