Kryeministri në detyrë Hashim Thaçi ka parlajamëruar sot se nesër (e hënë) në ora 10 pritet të nënshkruhet marrëveshja ndërmjet tij dhe Isa Mustafës për bashkëqeverisjen katërvjeçare PDK-LDK.
Mirëpo, marrëveshja, dy ditë më herët ishte paralajmëruar se do të finalizohet sot, por nuk ndodhi.
Burime të Indeksonline thonë se nuk është asgjë definitive, edhe pse qëndrimet janë përafruar dukshëm mes dy subjekteve. Emri i kryeministrit nuk është definuar. Edhe pse në LDK vazhdojnë të thonë se shefi i ekzekutivit do të jetë i tyre, këtë sot nuk ka mundur ta thotë Isa Mustafa.
“Nëse nesër nuk nënshkruhet marrëveshja siç është paralajmëruar, atëherë opsioni i vetëm mbetën zgjedhjet”, thonë burime të Indeksonline nga të dy kampet.