Nisma e quan tendencioze thirrjen e seancës së Kuvendit të Prizrenit.
Sipas këtij subjekti politik, mbajtja e seancës në ditën e fillimit të fushatës zgjedhore veprim adoleshente politike.
“Nisma në mbledhjen e fundit me strukturat e saj, pas analizës që i bëri situatës në qytetin e Prizrenit, ka ardhur në përfundim se mbledhja e Kuvendit Komunal e thirrur për datën 25.09.2019 nga kryesuesi i Asamblesë është tendenca e radhës e adoleshencës politike që institucionin e kuvendit të qytetit ta keqpërdorë për qëllime elektorale”, thuhet në reagimin e Nismës, shkruan “PrizrenPress”.
Kryesuesi i Kuvendit të Prizrenit, Artan Abrashi, ka thirrur seancë për nesër.
Ndërkaq, Nisma ka paralajmëruar bojkotimin e kësaj seance.
“Grupi i Kuvendarëve të Nismës nuk do të merr pjesë në këtë mbledhje”.
“NISMA Socialdemokrate – Dega në Prizren, shpreson edhe te Kuvendarët e subjekteve të tjera politike në pushtet e opozite që të mos jenë në shërbim të lojërave djallëzore që parashihen të ndodhin në mbledhjen e datës 25.09.2019”
Arsyet e Nismës
1. Me 25.09.2019 është dita e fillimit të fushatës elektorale për zgjedhjet e 6 tetorit, që për ne dhe elektoratin tonë nënkupton se është dita e fillimit të festës.
2. Kuvendarët e Nismës nuk mbështesin planifikime buxhetore mbi skema të interesit të klaneve dhe komisarëve politik që e rrethojnë Mytaher Haskukën.
3. Grupi i Kuvendarëve të Nismës nuk mbështet pazare mafioze të Albin Kurtit, i cili po e keqperdorë Mytën duke i tjetërsuar dhe vënë pronat e qytetarëve në shërbim të xhepave të Vetëvendosjes.