Anëtari i kryesisë së PDK-së, njëherësh deputet në legjislaturën e re, Zenun Pajaziti, ka thënë se nuk janë duke ndenjur duarkryq sa i përket formimit të qeverisë.
Në një intervistë për televizionin “Rrokum”, Pajaziti është shprehur i sigurt se shumë shpejt kanë për ta shpërndarë edhe bllokun LDK-AAK-Nisma dhe njëra nga këto parti, sipas tij, ka për t’ju bashkangjitur PDK-së në bashkëqeverisje.
Sa i përket rrezikut që Kosova të shkojë edhe në një palë zgjedhje të reja, sipas Pajazitit, kjo është shumë e mundshme, nëse partitë e koalicionit paszgjedhor vazhdojnë ta bllokojnë situatën politike në vend.