Pavarësisht situatës alarmante me pandeminë, kosovarët po vazhdojnë të mblidhen nëpër ahengje.
Policia e Kosovës, të mërkurën rreth orës 01:25, ka ndërhyrë në një aheng familjar në fshatin Samadraxhë të Suharekës, raporton PrizrenPress.
Të pranishmit janë shpërndarë, derisa rasti ka shkuar në procedurë të rregullt me vendim të prokurorit.
“Fsh. Samadraxhë, Suharekë 12.08.2020-01:25. Është raportuar se pas një informate të pranuar në shtëpinë e të dyshuarit mashkull kosovar gjatë një ahengu familjar janë takuar 50-60 të pranishëm të cilët janë shpërndarë. Në konsultim me prokurorin rasti vazhdon në procedurë të rregullt”, thuhet në raportin 24 orësh të PK-së./PrizrenPress.com/