Policia e Kosovës në kuadër të drejtorisë rajonale në Prizren gjatë javëve të fundit ka konfiskuar gjithsej 22 armë zjarri të cilat janë përdorur gjatë ngjarjeve familjareve, shkruan PrizrenPress.
Siç ka njoftuar Policia e Kosovës, në të gjitha rastet janë arrestuar të dyshuarit.
“Gjatë javëve të fundit policia ka konfiskuar një numër të konsiderueshëm të armëve, kryesisht armë të cilët janë përdorë në gazmende familjare duke rrezikuar vetën dhe të tjerët. Konkretisht nga data 15 Korrik 2022 deri më ditën e sotme ( 19.08.2022), nga stacionet policore në kuadër të Drejtorisë Rajonale në Prizren, janë konfiskuar gjithsej 22 (njëzet e dy) armë të ndryshme, kryesisht armë të përdorura nëpër gazmende familjare”, thuhet në njoftimin e PK-së./ PrizrenPress.com
