Sektori i hetimeve të stacionit policor në Suharekë, ka arritur të identifikojë dhe të arrestojë dy të dyshuar G. B. dhe SH. F., lidhur me katër vepra penale: Dy vjedhje të rënda dhe dy vjedhje në tentativë të kryera më 20.11.2016 në fshatin Mushtisht të Suharekës.
Dy të dyshuarit e kanë pranuar fajësinë, ndërsa policia ka treguar edhe për gjëra që i kanë vjedh, shkruan PrizrenPress.
“Të dyshuarit janë intervistuar në praninë e avokatit mbrojtës, ku i ka pranuar se i ka kryer veprat, ndërsa gjësendet e vjedhura si: Një palë dylbi, një thikë gjahu, 30 pako cigare “Marlboro”, dy telefona mobilë, një aparat i rrojës, bateri të dorës dhe një palë mbathje sportive. Të dyshuarit kanë treguar vendin ku i kanë fshehur gjësendet e vjedhura, ku policia së bashku me të dyshuarit ka shkuar në vend ku janë fshehur sendet e vjedhura, ka bërë fotografimin dhe i ka konfiskuar: Një çantë ngjyrë hiri, një parfum, një aparat elektrik për rroje, një palë këpuca, tri fletore, një uniformë shkollore dhe mbetjet e boksave të duhanit të vjedhur. Lidhur me rastin është njoftuar Prokurori i Shtetit për të Mitur me urdhër të të cilit rasti shkon në procedurë të rregullt”, thuhet në komunikatën e Policisë. /PrizrenPress.com/