22.8 C
Prizren
E mërkurë, 10 Gusht, 2022

Prizren, 30 ditë paraburgim për 16 kontrabandistët me emigrantë (VIDEO)

Oborri i Gjykatës Themelore në Prishtinë, u mbush me familjarë të hënën.

 

Këta priten lajme nga brenda gjykatorja, ku me dyer të mbyllura u mbajt seanca ndaj 16 të arrestuarve për kontrabandim me emigrant, njofton Klan Kosova.

Prangat nuk iu vënë, por dyshimet se burri ia përdori veturën e saj për trafikimin e njerëzve nga shtetet e Lindjes i kushtoi me vendin e punës Referentes së lartë në Gjykatën Themelore Prizren.

Këshilli gjyqësor i Kosovës njoftoi që punonjësen e pezulloi nga puna.

Në punë nuk do të shkojnë as të arrestuarit, të paktën për 1 muaj. Kaq do të rrinë në paraburgim me vendim të gjykatës.

Edhe pse avokati  i A.K, Perparim Haliti, kërkoi masë alternative pasi siç tha, klienti i tij nuk është drejtpërdrejte i involvuar në rast.

Arsyetimet e avokatëve për të shpëtuar klientët nga paraburgimi, u dhanë në seancën që u quajt maratonike e cila zgjati më shumë se tri orë. Genc Gjini, avokat i të arrestuarit U.E, tha se klienti i tij ka qenë veç shofer i autobusit dhe nuk ka qenë punë e tij kontrollimi i udhëtarëve.

Një tjetër u mundua të arsyetoj 14 mijë eurot që Prokuroria tha se grupi i fitoi kundërligjshëm kur për 5 muaj futen në Kosovë mbi 700 persona.

Avokati i F.G Rasim Hoti, tha se i dyshuari që ky mbronë dhe të tjerët që janë arrestuar për këtë rast këto para i bënë me punë si shofer apo konduktor autobusi dhe se të njëjtit punojnë siç thotë ligji.

Njërit prej të arrestuarve iu dashtë edhe ndihma e mjekut, për çka ekipet emergjence erdhën këtu për t’i ofruar ndihmë.

 

 

Më Shumë

Rrokulliset një traktor në Suharekë, lëndohet rëndë pasagjeri

Një person ka pësuar lëndime të rënda trupore në fshatin Dollc të Suharekës, në një aksident trafiku me traktor.   Sipas policisë, viktima ishte pasagjer kur...

Kurti: Veprimet e strukturave kriminale në veri, po cenojnë rëndë sigurinë në Kosovë

Kryeminsitri Albin Kurti ka takuar komandantin e Forcave paqeruajtëse të NATO-s në Kosovë (KFOR), Gjeneral Major Ferenc Kajári. Siç njofton Qeveria, në takim u ritheksua...

Lajmet e Fundit