Policia e Prizrenit ka arrestuar një burrë i cili dyshohet se ka ngacmuar ish-bashkëshorten e tij.
Policia ka bërë të ditur se i arrestuari jeton jashtë Kosovës, por disa herë ka ardhur në Kosovë dhe ka ngacmuar ish-bashkëshorten e saj, e cila tashmë e ka njoftuar policinë.
“Në orët e mbrëmjes, një viktimë e gjinisë femërore e ka thirr policinë në Prizren për t’i dalë në ndihmë pasi ndjehej e ngacmuar dhe e rrezikuar nga ish bashkëshorti i saj i cili jeton në një shtet perëndimor e që disa herë kishte ardhur afër oborrit të saj”, thuhet në njoftimin e policisë nga rajoni i Prizrenit, transmeton Koha.net.
Policia e Stacionit Policor “Veriu” kanë dalë në vendin e ngjarjes me ç’ rast e kanë identifikuar të dyshuarin i cili në ato momente kishte në duar një palë dylbi.
I njëjti është arrestuar dhe ndaj tij, prokurori i shtetit, e ka nënshkruar vendimin për ndalim policor.