Pse kryeministri i Serbisë, Aleksandar Vuëiq, në fjalimin e tij me rastin e 100 ditëshit të Qeverisë së tij, në asnjë rast nuk e ka përmendur Kosovën?
Përfaqësues të koalicionit qeveritar konsiderojnë se “fajtor” për këtë është kriza politike në Kosovë pas zgjedhjeve parlamentare dhe kjo, sipas tyre, frenon zbatimin e Marrëveshjes së Brukselit.
Opozita pohon se me “heshtjen kosovare” kryeministri dëshiron të fshehë rezultatet disfatiste të Qeverisë së tij në Kosovë, transmeton Telegrafi.
“Në Kosovë gjatë 100 ditëve në kuptimin politik nuk ka ndodhur asgjë. Pritet zgjidhja e krizës politike dhe formimi i Qeverisë së Kosovës për të vazhduar me zbatimin e Marrëveshjes së Brukselit dhe për t’u formuar Asociacioni i komunave serbe”, janë të një mendimi kryetari dhe anëtari i Këshillit të Kuvendit të Serbisë për Kosovën, Vladeta Kostiq dhe Milovan Drecun, të dy deputetë të SNS-së.