17.1 C
Prizren
E enjte, 18 Shtator, 2025

Qeveria më e korruptuara, FSK më i besueshmi

QeveriaKosoves-NdertesaForca e Sigurisë së Kosovës, zjarrfikësit dhe KFOR-i, janë institucionet më të besuara në Kosovë. Kjo u tha sot gjatë publikimit të edicionit të tretë të barometrit kosovarë të sigurisë publikuar nga Qendra Kosovare për Studime të Sigurisë.

Institucionet më të korruptuara sipas qytetarëve janë Qeveria, sistemi shëndetësor dhe ai gjyqësor.

Edicioni i tretë i barometrit kosovar të sigurisë ofron përmbledhje të perceptimeve publike për institucionet e sigurisë dhe drejtësisë.

Florjan Qehaja, drejtor i Qendrës Kosovare për Studime Juridike tha se për qytetarët e vendit FSK-ja, zjarrfikësit dhe KFOR-i mbeten institucionet më të besuara. Ndërkaq sa i përket Agjencisë së Inteligjencës së Kosovës qytetarët nuk kanë njohuri për punën e kësaj agjencie.

Qendra Kosovare për Studime të Sigurisë vlerëson se kërcënimi më i madh i sigurisë në vend është edhe korrupsioni. Sipas anketës, qytetarët mendojnë se qeveria është më e korruptuara, pastaj sistemi shëndetësor dhe ai gjyqësor, transmeton RK.

Sipas këtij barometri procesi i liberalizimit të vizave paraqet një ndër hapat më të rëndësishëm drejt integrimeve në BE. Derisa të anketuarit besojnë se korrupsioni paraqet sfidën kryesore për Kosovën dhe që pengon procesin e liberalizimit të vizave në Kosovë.

Më Shumë

Sindikata e Arsimit paralajmëron Qeverinë: Rritje pagash ose veprime sindikale, nuk përjashtohet greva

Kryetari i Sindikatës së Arsimit, Rrahman Jasharaj, tha se ndër kërkesat e tyre kryesore është rritja e pagave. Ai për Ekonomia Online tha se Sindikata...

20-shi i LDK-së – Do të jem zëri i familjeve të varfëra

Unë jam Fejzë Kabashi, kandidat për Kuvendin e Prizrenit nga LDK-ja, dhe mbaj numrin 20 në fletëvotim. Si drejtor i Drejtorisë së Mirëqenies Sociale në...

Lajmet e Fundit