3.8 C
Prizren
E martë, 27 Shkurt, 2024

Nuk shihet me shumë optimizëm reforma zgjedhore

Zgjedhje-kosove-logoAdaptimi i ligjeve dhe nënligjeve që mund të sjell reformimin e Ligjit për zgjedhjet e përgjithshme në Kosovë, mund të ndikojë në organizimin e zgjedhjeve nacionale për vitin tjetër vlerësojnë në Institutin Demokratik të Kosovës.

Megjithë zotimin e zyrtarëve për përfundimin e reformës zgjedhore deri në fund të janarit të 2014, në zgjedhjet e ardhshme nacionale mund të jetë e vështirë të organizohen sipas ndryshimeve që sjell reforma për arsye të adaptimit të të gjitha akteve ligjore e nënligjore, vlerëson Driton Selmanaj nga Instituti Demokratik i Kosovës.

Sipas tij kjo reformë më shumë do të jetë apriori deformim i Ligjit për zgjedhje, sesa që mund të konsiderohet si reformë.

“Edhe nëse do të kemi një ndryshim aktual të ligjit për zgjedhje…, atëherë i bjen që para periudhës 6 mujore nuk është mirë që të organizohen zgjedhjet, sepse më pas do të mund të kishte edhe pasoja dhe të derivonin zgjedhje jo të rregullta dhe jo demokratike”, tha ai, transmeton RTK.

Ndërkohë që ish kryesuesi i Komisionit për Reformë Zgjedhore, Haki Demolli thotë se në esencë nuk do të ketë ndryshim të madh në Ligjin për zgjedhjet e përgjithshme. Sipas tij shkaktar i parregullsive në zgjedhjet e kaluara, kanë qenë edhe disa organizma të tjerë institucional të Kosovës.

“Nuk ka qenë ligji shkaktar i të gjitha parregullsive të zgjedhjeve të kaluara, por organizimi i tërësishëm i shoqërisë, përfshirë, KQZ-në, policinë, prokurorinë, si dhe vetë shoqërinë civile”, tha ai.

Ndryshe çështjet për të cilat duhet të arrihet pëlqimi politik, është se a do të jetë Kosova një zonë e vetme zgjedhore apo me më shumë zona, çështja e listave të hapura dhe çështja e votës preferenciale. Reforma zgjedhore mbetet edhe njëra prej kërkesave kryesore të Bashkimit Evropian

Më Shumë

Moti sot: Kryesisht me diell, temperaturat deri në 15 gradë Celsius

Të enjten mbi Kosovë, parashihet të mbajë mot kryesisht me diell. Sipas Meteo Kosova, temperaturat minimale do të lëvizin nga minus dy deri në një...

Aktakuzë ndaj Kobrës dhe katër të tjerëve për vrasjen në Prizren një vit më parë

Prokuroria Speciale (PSRK), njofton se ka ngritur aktakuzë në Gjykatën Themelore në Prishtinë – Departamentin Special, kundër Dibran Hoxhajt i njohur si “Kobra” dhe...

Lajmet e Fundit