Agjencia Kundër Korrupsionit, gjatë ditës së sotme, ka publikuar regjistrat e deklarimit të rregullt vjetor të pasurisë së zyrtarëve të lartë publikë.
Sipas Ligjit për Deklarimin, Prejardhjen dhe Kontrollin e Pasurisë të Zyrtarëve të Lartë Publikë, këtë vit deklarimin e rregullt vjetor të pasurisë kanë pasur për obligim ta bëjnë 4200 zyrtarë, kurse deklarimin e kanë bërë vetëm 4125 prej tyre, ose shprehur në përqindje rreth 98,3%.
Në mesin e tyre që nuk e kanë deklaruar pasurinë janë edhe pesë kryetarë të komunave që nuk e kanë bërë një gjë të tillë, transmeton zeri.info.
I pari i Prishtinës, Shpend Ahmeti, nuk figuron në listën e deklarimit të pasurisë, po ashtu as kryetarja e Gjakovës, Mimoza Kusari – Lila, nuk është në mesin e atyre që nuk e kanë deklaruar pasurinë.
Të njëjtën gjë nuk e ka bërë as kryetari i Komunës së Prizrenit, Ramadan Muja, ai i Dragashit, Salim Januzi, si dhe kreu i Rahovecit, Idriz Vehapi, përcjell “Zëri”.