Para pak kohësh në mediat rozë u raportua se një rapper amerikan, i lidhur me grupin e njohur Wu- Tang, kishte prerë penisin e tij.
Andre Johnson, që mban emrin e artit Christ Bearer, ka mohuar raportimet në media se atij i kanë ngjitur sërish penisin.
Por ai thotë se diçka e tillë është si një bekim.
“Përfundimisht besoj se seksi është për të vdekshmit dhe unë jam perëndi. Kështu që është një bekim, jo një mallkim,” tha ai.
Megjithatë, ai shpjegoi se i ka mbetur një copë penis dhe sërish mund të eksitohet.
41- vjeçari e preu penisin e tij në një apartament në Hollivudin verior dhe më pas u hodh nga kati i dytë, në një tentativë vetëvrasje.
Mediat patën raportuar se ai kishte konsumuar drogë psikedelike, por ai i mohoi këto zëra.
Ai tha se thjesht kishte pirë marijuanë, por ishte në depresion.
Këngëtari tha se bota po i shembej pasi nuk e lejonin që të shihte dy vajzat, sepse gjykata kishte dhënë një urdhër ndalimi.
Dy javë pas incidentit, ai u bë baba për herë të tretë.