Nazmi Paçaritit nga Dragobili i Malishevës vitin e kaluar i kishte vdekur babai(Zeqiri) si pasojë e pickimit nga rriqrat.
Nazmiu ka frikë se me ngrohjen e motit edhe ndonjë familjar tjetër i tij mund të pësojë edhe këtë vit nga pickimi rriqrave, prandaj, sipas tij, institucionet e Kosovës duhet të fillojnë t’i ndërmarrin masat paraprake këtë vit.
“Vitin e kaluar e kam humbur prindin si pasojë e pickimit të rriqrave. Ne jemi të frikësuar tej mase, sepse tash nis të ngrohet moti më shumë dhe rriqrat mund të gjinden kudo. Kemi bagëti dhe jemi në dilemë që t’i mbajmë apo t’i shesim vetëm për shkak të rriqrave”, shprehet Nazmiu, duke shtuar se as fëmijët nuk po guxojnë t’i lejojnë të dalin në fushë për shkak të frikës nga rriqrat../standardi.info